|
Arkivleiar sine fullmakter og ansvar
Arkivleiar er fagleg leiar for arkivtenesta i kommunen, og skal sjå til at kommunen stettar krav til arkivlova med forskrifter.
I dette ligg det mellom anna eit ansvar for arkivplan, arkivrutinar og kvalitetssikring av alle kommunale arkiv.
Det ligg i arkivleiar sitt arbeidsområde å gjere faglege vurderingar og informere leiinga. Arkivleiar skal:
- Påtala manglar og ta slike opp med einingsleiarane for dei ulike einingane
- Sjå til at elektroniske system nytta i kommunen, tilfredstiller arkivfaglege krav
- Saman med brukarane og IT-ansvarleg utarbeida reglar for bruk, langtidslagring og sletting av informasjon på ulike system
- Styrka det faglege nivået i arkivarbeidet gjennom planar, retningsliner, kurs/opplæring og andre tiltak
- Vera representert i utval som handsamar saker som gjeld arkivarbeidet, og skal gi uttale i saker som vedkjem viktige sider av arkivarbeidet i Aurland kommune
Arkivleiar pliktar:
- Inspisere arkiv
- Påtala tilhøve som bryt med gjeldande føresegner om arkivarbeidet
- Rapportere til rådmann om feil og manglar ved arkivverksemda og sjå til at det vert retta opp
|
|