|
Det daglege ansvaret for dokumentasjonsforvaltning er delegert til einingsleiarane. Dette inneber ansvar for den daglege kontrollen i eigne system, og at rutiner for dokumentasjonsforvaltning i eininga vert følgt.
Ved avvik skal leiar rapportere til arkivleiar. Einingsleiar har plikt til å bruke dei verktøy og system som kommunen har innført, og skal sørgje for at tilsette i eigen eining også gjer det.
Einingsleiar har ansvar for at dei tilsette får tilstrekkeleg opplæring i system og i dokumentforvaltning, og sørgje for at saker og dokument til tilsett som slutter i kommunen blir ivaretatt vidare. Leiarane skal utarbeide rutiner i fellesskap med arkivleiar, for å sikre at kommunen følgjer lovkrava som er satt for bevaring av dokumentasjon av dei ulike funksjonane som organisasjonen utfører. Arkivleiar har mynde til å føra tilsyn, kontroll og rettleiing ved dette arbeidet, og setje krav og rettleiing i tråd med gjeldane lov og forskrifter. Einingsleiar har ansvar for å kontrollere rutinene for eininga i fellesskap med arkivleiar. |