|
Offentlege utgåande dokument er tilgjengelege i fulltekst på postlista og kan lastast ned. Innkomne dokument er ikkje tilgjengeleg i fulltekst, men publikum kan be om innsyn ved forespørsel til arkivtenesta. Svarfrist for handsaming av innsynskrav er 3 dagar. Har ikkje krevjar motteke svar innan 5 dagar vert det å rekne som avslag på innsynskravet. Framgangsmåte ved handsaming av innsynskrav: Mottak av innsynskrav: Innsynskravet vert registrert i ACOS på sakshandsamar. Det er sakshandsamar si oppgåve å vurdere om eit dokument er offentleg eller eventuelt finne heimel for unntak frå offentleglova. Sakshandsamar/leiar vurderer endeleg svar i samarbeid med arkivtenesta. Avslag: Dersom det vert gjeve avslag på innsynskravet må ein vise til aktuell paragraf og opplyse om klagerett jfr. Off.lova §32. Bruk brevmal i ACOS – innsyn avslag. Hugs å send med klageskjema. Klage: Klage på avslag skal registrerast i ACOS. Sakshandsamar vurderar klagen så fort som råd er og seinast innan 3 dagar. Dersom klagen fører fram, vert klagesaka avslutta ved at innsyn vert gjeve. Oversending til Statsforvalteren: Dersom klagen ikkje vert teken til følgje, må sakshandsamar syte for at klagesaka vert førebudd og sendt vidare til Statsforvalteren for endeleg avgjerd. All korrespondanse i saka må leggast som vedlegg i oversendinga. Krav om innsyn i offentlege dokument frå postlista vert ekspederte av arkivtenesta med kopi til sakshandsamar. |