|
I forskrift om offentlege arkiv er dette ansvaret presisert slik i § 1-1, andre og tredje ledd: "Det overordna ansvaret for arkivarbeidet i eit offentleg organ tilligg den øvste leiinga i organet. I kommunar og fylkeskommunar er arkivansvaret ein del av det overordna administrative ansvaret som er tillagt administrasjonssjefen, jf. kommunelova § 23. Eit offentleg organ har ansvaret for at underliggjande organ får nødvendige rettleiingar, råd og instruksar for arkivarbeidet i samsvar med føresegner gitt i eller i medhald av arkivlova. Organet har det overordna arkivansvaret for offentlege utval som organet har nedsett."
Arkivansvaret til offentlege organ er bestemt i § 6 i arkivlova:
Offentlege organ pliktar å ha arkiv, og desse skal vera ordna og innretta slik at dokumenta er tryggja som informasjonskjelder for samtid og ettertid.
Dette er presisert i Forskrift om offentleg arkiv, § 1-1, arkivansvaret i offentlege organ:
Det overordna ansvaret for arkivarbeidet i eit offentleg organ tilligg den øvste leiinga i organet. I kommunar og fylkeskommunar er arkivansvaret ein del av det overordna administrative ansvaret som er tillagt administrasjonssjefen, jf. kommunelova § 23. Oppgåver knytt til arkivet kan delegerast, men ansvaret som sådan kan ikkje delegerast. Overordna ansvar omfatter dei oppgåver som er nødvendige for å oppfylle krava. Sentrale oppgåver vil alltid vere:
- Etablere ei felles arkivteneste
- Sørge for tilstrekkeleg bemanning
- Stille tilfredsstillande lokaler og nødvendig utstyr til disposisjon
- Midlar til å kjøpe dei varar og tenester som trengs i arkivet
- Leggje til rette for at arkivpersonalet held ein tilfredsstillande fagleg kompetanse m.a. gjennom deltakinge på kurs og opplæring
- Sørge for tilfredsstillande rapportering frå arkivtjenesta til leiinga slik at denne kan oppfylle sitt overordnede ansvar etter forutsetningane
|