|
Kvam vart eigen heradskommune frå 1838 i samsvar med formannskapslovene av 1837. Fram til 1912 var kommunenamnet Vikør. Då vart det endra til Kvam ved Den norske regjerings resolusjon av 1. desember 1911 " hvorved bestemmes at det geistlige og civile inndelingsnamn Vikør i Søndre Bergenhus amt forandres til Kvam." Frå 1965 gjekk Strandebarm og deler av Jondal kommunar inn i Kvam, i tillegg til fleire andre endringar i kommuneinndelinga. Her finn du linkar til arkivkatalogar som gir oversikt over arkivet frå Kvam herad i tidsrommet 1837-1965 og for Strandebarm kommune (1838-1964). Interkommunalt arkiv i Hordaland IKS har utarbeidd arkivkatalogane for kommunen i samband med ordning av det eldre arkivmaterialet. |