Arkivleiar sine fullmakter

Instruksen gjeld for den faglege ansvarlege for arkivtenesta i Vik kommune.

Administrativ plassering

• Arkivleiar er administrativt underlagt leiar for tenestetorget.

Fullmakter

• Arkivleiar skal vere representert i utval som handsamar saker av betyding for kommunen si dokumentteneste og arkivverksemd, og skal avgi uttale i saker som vedkjem arbeidsområdet.
• Arkivleiar har fullmakt til å gi naudsynt opplæring, rettleiing og oppfølging innanfor arbeidsområda.
• Arkivleiar skal rapportere til næraste overordna, og har plikt/fullmakt til å påpeike manglar og feil, og sjå til at desse blir retta opp.
• Arkivleiar har fullmakt til å leie personale som arbeider med arkivarbeid.
• Arkivleiar har fullmakt til å kontrollere arkivlokale og arkivrom, og skal sjå til at desse er i forskriftsmessig stand.
• Arkivleiar har fullmakt til avgjere/kontrollere at alle tilsette brukar vedtekne arkivreglar i arkivplanen.