|
Utlysing av stillingar skjer i Unique Enterprice. Utlyste stillingar ligg under link "ledige stillingar" på heimesida til kommunen. Tenesteleiar som skal lyse ut stilling, skal gjere dette i samråd med personalsjefen. Utlysingsteksten skal sendast arkivtenesta samstundes med at den blir distribuert i media. Ledige stillingar skal normalt lysast ut offentleg, med unntak av det som går fram av Hovudtariffavtalen § 2.3.1, bruk av deltid. Dersom tenesteleiar finn ut at ein skal tilsette fast i stillinga utan konkurranse, skal saka leggast fram for/meldast til Rådmannen og drøftast med hovudtillitsvald først. Tilsetjing skal meldast skriftleg av tenestelaiar og/eller personalsjef.
Søkjaren søkjer elektronisk på stillingen. Når fyrste søkjaren kjem inn, genererar det automatisk ei ny sak i Acos. Personal sender brev til tenesteleiar og gjeldande organisasjon og ber om uttale og lagar vidare sak til tilsetjingsutvalet.
Tilsetjingsutvalet består av personal- og organisasjonsleiar, gjeldane tenesteleiar og aktuelle organisasjonsforbund. Personal sender ut tilbud. Når tilsetjingsbrevet kjem i retur, vert det laga personalmappe på den tilsette. Andre søkjarar får avslagsbrev. Når søknadsfristen er ute, skal søkjarliste journalførast i Websak. All vidare kommunikasjon med søkjarane skal skje i Websak. (sjå personalhandbok)
Meldinga som gjeld som tilsetjingsbrev:
I meldinga skal ein mellom anna gje orienterig om at tilsetjinga er skjedd på dei vilkåra som for ein kvar tid gjeld for arbeidstakarar i Vik Kommune.
For stillingar der det vert stilt spesielle krav til helse, skal det leggast fram tilfredsstillande legeattest.
For stillingar i barnehage, skule og pleie og omsorg må det før tiltreding ligge føre tilfredsstillande politiattest.
Attestane skal ikkje nyttast til andre føremål enn det dei er henta inn for, og skal ikkje lagrast lenger en det som er nødvendig ut frå føremålet med den.
Politiattest er å rekne som saksdokument, og det skal framkomme i journal at slikt dokument er førelagt. Politiattesten skal registrerast i Acos på personalmappa til vedkommande. Attesten blir lagt i personalmappa.
Teieplikt:
Alle arbeidstakara pliktar å underskrive erklæring om teieplikt jfr. Forvaltningslova § 13. Teieplikta gjeld også etter at arbeidstakar har slutta i tenesta.Når ei sak er undergitt teieplikt i medhald av lov, regel eller føreskrift, eller når det følgjer av saka si art, må ingen arbeidstakarar omtale saka ovanfor utanforståande. Utover dette må saka berre omtalast når det er påkravd som følgje av handsaminga. Created by NXC AS |