Rådmannen sitt arkivansvar
I kommunen er det rådmannen som har det overordna arkivansvaret
(jfr. Arkivforskrifta §1-1). Arkivansvaret for skatteoppkrevjaren i Bremanger ligg til skatteoppkrevjaren sjølv. Arkivleiar har det daglege ansvaret for arkivtenesta og utarbeidar verksemdsplan. Godkjend verksemdsplan skal vere med i kommunen sin årsplan.
Oppdatering av arkivplanenArkivleiar skal ha melding om alle endringar i kommunen som kan ha verknader for arkivet i god tid før desse blir sett i verk. Arkivleiar har rett til å uttale seg om dei konsekvensane endringane kan få for arkivet. Oppdatering av arkivplanen skal mellom anna skje når
- det skjer endringar i post- og arkivrutinar
- ei kommunal eining opprettar eit nytt arkiv eller arkivdel
- det blir teke i bruk ny arkivnøkkel
- ei kommunal eining tek i bruk eit nytt datasystem for lagring av informasjon.
- kommunale einingar blir lagt ned eller oppretta
- det blir oppretta eller lagt ned styre eller utval
- det blir gjort vesentlege endringar i delegerte fullmakter
- kommunale oppgåver blir overført til verksemder utanfor kommunen
Arkivleiar avgjer elles om det er behov for oppdatering av arkivplanen. Særleg er dette aktuelt når
- det bli teke i bruk ny versjon av arkivnøkkel
- det bli teke i bruk nye versjonar av datasystem for lagring av informasjon
|